徐濠縈五音不全遭挑剔
潮媽徐濠縈與陳奕迅女兒康堤（包包）年紀細細已多才多藝，遺傳爹哋的唱歌天分，六歲已識作曲填詞，而且語言天分高，識得寸媽咪的英文及國語發音不準。
徐濠縈昨晚出席活動，透露已很久沒有唱卡拉OK，被問到若與Eason唱歌會否感壓力，她說：「喺Eason面前冇壓力，反而喺其他歌手面前唱歌會覺得好大壓力，因為五音不全。個女有時都會挑剔我，例如話我英文同國語發音唔準，佢依家好似我老師咁，可能佢耳仔好靈敏，成日教番我發音，佢英文及國語依家叻過我。」
會作曲填詞編舞
阿徐還大讚女兒遺傳了Eason的唱歌天分，她說：「包包平時喺屋企都會作曲作詞，又會自己編舞，載歌載舞，試過有次錄低咗畀Eason聽，佢都大讚個女唱得好。」至於有否遺傳她的優點，阿徐即時說：「佢最似我係貪靚，不過個個女仔都係貪靚，同埋佢對腳似我，呢個好好彩，好驚遺傳佢爹哋嘅甲組腳。」
戴庚玲真空晒背
同場還有麥浚龍（Juno）女友戴庚玲、李治廷、戴妮廷、A. Lin、姜麗文，戴庚玲着上黑色連身裙，背後露出白滑玉背，表示是真空上陣，她指若內裏着其他服飾會好奇怪，而平時有需要亦會真空上陣，她說：「如果覺得舒服同啱feel，真空冇所謂。」被笑指點解唔將裙掉轉着，騷胸一番，她說：「唔會啦，我不嬲對胸口同身材都冇信心。」另又表示聖誕因細佬來港，所以不會外遊，而Juno若不需工作，將會一齊度過。
文：名人組