劉欣宜為搵錢 願騷事業線
李蘊（Renee）、「E Cup Baby」劉欣宜及尹光早前到澳門登台搵真銀，兩女為配合大會的賽車主題，特意穿上賽車女郎裝表演，Renee以熱褲上陣兼露出纖腰，而劉欣宜則大騷「事業線」，不過「百果園咪神」陳靜搶先在另一活動中以同一件衫示人。
問劉欣宜可會覺得身材被比下去？她信心十足地說：「大家身材都好，我去唱歌咪加個tube top打底，如果好似佢咁做宣傳活動，我唔介意騷身材。」
兩女近月密密出埠登台，劉欣宜坦言澳門登台收入可觀，但她絕不會忘記香港fans：「聖誕會留喺香港做倒數活動，年尾就會接騷，一日要走幾場。」