許家傑舞功高強收星級學生
港男冠軍許家傑曾奪全港拉丁舞比賽冠軍，練得一身好「舞」功的他，不但靠此登台搵真銀，還收咗一班星級學生。他說：「最近有教苟芸慧跳舞，亦都有同龔嘉欣一齊出騷跳舞，佢哋有唔明都會問吓我。」問到有沒有女學生因為其港男名銜而慕名拜師？他說：「都有o架！咩年紀同職業嘅人都有，唔一定係女士。」
許家傑近日為拍攝古裝劇《紫禁驚雷》而剃光頭，他說：「起初真係唔慣，因為要密密剃，依家出街成日戴帽。其實最擔心係頭髮長番嘅時候會好怪，不過都係拍古裝劇先咁大膽去剃頭，可能咁樣新生嘅頭髮會靚啲。」
場地：Music Motion Dance Academy