法拉感激發哥欣賞 勇往直前
當年周潤發金口一開，大讚陳法拉可塑性高，想不到開口便中，法拉真的漸上一線女主角之位，今年更憑《義海豪情》奪得最佳女配角，法拉坦言發哥的激勵令她勇往直前。
向來都係電視送飯的發哥，睇人從未走漏眼，只要經他金口激讚，仲好過中六合彩！發哥兩年前公開大讚法拉極具潛力，上位指日可待，當然法拉沒有辜負他的讚美，在公仔箱中愈做愈有。法拉對此謂：「真係好多謝發哥，由細到大佢都係我超級偶像，可以被偶像欣賞，仲開心過執金。」
曾經歷低潮期
當然法拉都有經過低潮期，被外界質疑無演技，似花瓶多過似演員。每每想到發哥的鼓勵，法拉就會努力做得更好。她謂：「就係佢嘅說話，我知道自己唔可以衰，就係一種動力，鼓勵我勇往直前。」
感激父母鼓勵
除了發哥外，爸爸媽媽的支持也是法拉繼續努力工作的動力，她說：「爹哋媽咪對我嘅支持係出於無私嘅，雖然佢哋唔喺香港，都會喺美國留意我嘅一舉一動，就算佢哋喺餐館食飯，只要睇報紙見到我個樣都會打電話畀我。其實少少嘅問候，對我已經足夠。」
文：專案組 攝：司徒國榮
服裝：Dior 場地：AZURE
髮型：Ling Chow@private