吳浩康（Deep）早前在泰拳比賽中落敗，還被對手踢中下體和上五吋下五吋「爆缸」，經過幾日休息後已完全康復，Deep說：「收到過百個電話慰問，大家以為我畀人KO嚴重受傷，我要澄清自己只係輸點數。」
身為泰拳教練的Deep表示，KO是在不犯規情況將對手擊倒，但他現質疑對手在賽事中犯規，決定向大會提出上訴，他說：「依家等緊雙方一齊睇錄影帶，對手唔止犯規踢我下體，仲用雙手捉住我頂膝，呢啲都係犯規動作，犯兩次就要好似踢波咁被紅牌趕出場，佢做咗兩次呢啲動作應該被趕出場。」Deep強調自己尊重賽果，只是質疑對手犯規要求翻查錄影帶，並再次重申：「我唔想大家太擔心，自己只係輸點數，身體無礙。」