欣宜爆肥姐曾吸毒

欣宜與MC Jin昨日到校園宣揚禁毒意識，她指在外國讀書時，見過不少人吸毒：「真係估唔到咁易接觸到，好多都係大麻，另外仲有啲粉狀嘅嘢，我唔知係咩嚟，但係好彩我冇試過！」

破壞晒形象

欣宜直言母親沈殿霞（肥姐）曾跟自己坦承吸過毒：「佢廿幾歲時試過，覺得好辛苦、口乾同想嘔，我同媽咪都係好鍾意玩嘅人，我覺得如果媽咪都覺得唔需要（毒品），我都唔需要。」問她知道媽媽曾吸毒會否很震驚？欣宜說：「我直頭同佢講有冇搞錯，破壞晒佢喺我心目中形象。」

被誘吸大麻

而MC Jin亦直認曾接觸過毒品，在外國的錄音室吸食大麻是很普遍的事，他說：「當然只係部分唔係全部，係人有我有。（有人誘惑你？）絕對有，不過唔係好似電影叫你試吓嗰啲，18、19歲時最迷失，依家諗番都覺得幾瘋狂！（幾時戒？）唔係戒，係醒覺，覺得神真係好愛我，我都要愛錫自己身體，呢個係思想改變！」他表示信仰令他遠離毒品，並感嘆年輕人吸毒問題嚴重：「無論酒定係毒品，總之傷害到身體就要留意！」

文：音樂組