吳君如咀古仔 陳可辛當送禮

昨日吳君如、陳可辛及谷德昭出席《神奇俠侶》的預告片首映禮，除了首播其「主預告片」外，更將三段「神奇預告片」一併播出，其中又插播動畫版「神奇俠侶」的香港宣傳短片，內容豐富。

古仔被封男版舒淇

君如今年參演了兩部賀歲片，因此在首映禮上被冠以「女版葛優」之名，君如對此照單全收。導演谷德昭聞言即笑說：「古仔今年都有兩部喎，佢先係『男版舒淇』啦，一樣都係樣靚身材好！」問到陳可辛會否介意君如與古仔有親熱戲份？他即笑言：「當送份聖誕禮物畀佢（君如）囉！」君如聽到後即大笑表示：「其實啲靚仔演員我差唔多都合作過o架啦，幾靚仔都一樣，我都想快啲拍完！」

吳君如與陳可辛（中）一起出席新片在深圳的預告片首映。

吳君如與古仔在《神奇俠侶》中有親熱戲份。（資料圖片)

撐古仔普通話進步

吳君如已為新片作普通話配音，而其對手古天樂則「假手於人」，問君如為何古仔不親自上陣？她笑說：「如果佢想配嘅話都實會奉陪，不過佢冇期呀！」古仔的「煲冬瓜」程度曾成為城中熱話，不過君如就幫老友護航：「佢進步咗好多o架啦！」

雖然吳君如與陳可辛兩人各自忙碌，但日前韓星池珍熙到港，他們亦抽空與對方一家見面，君如透露：「我係趁拍戲中間空檔嗰半個鐘去見吓佢咋！」