蒙嘉慧600萬賣樓賺兩倍
十年前蒙嘉慧以200萬購入位於炮台山的住所，近日因覺得要翻新裝修麻煩，加上價錢合適，故將住宅出售，帳面勁賺400萬。
根據田土廳記錄顯示，蒙嘉慧最近以600多萬賣出十年前以200萬購入的炮台山富澤花園住所，帳面勁賺四百萬。蒙嘉慧昨日接受電話訪問表示：「其實係有個地產朋友話間屋十年左右就要裝修一次，自己嫌煩，加上個價又啱先決定賣。呢間屋係人生第一次投資，好成功。」
等時機再入貨
賣樓勁賺的蒙嘉慧被問到會否再買樓？她說：「依家樓市太高喇，暫時唔會買樓，會租屋住先，等時機成熟先再入貨。」
此外，九月已約滿無綫的蒙嘉慧計劃向外闖，會與無綫轉換合作方式，問到她是否與無綫轉簽部頭合約？她說：「仲傾緊，不過自己都唔心急 因為仲有其他公司傾緊。」
離巢轉攻內地
効力無綫十年的蒙嘉慧透露離巢原因時說：「我喺TVB已經十年，之前因為要照顧屋企，但係媽咪半年前過咗身，希望多番啲自由度，之前都去過大陸拍劇都覺得適應到，所以決定向外闖。」
採訪：影視組