Rainbow接job險墮桃色陷阱
o靚模界惡鬥到電影界的周秀娜和楊梓瑤，對於不少o靚模接job時曾遭「抽水」甚至被騙，娜姐奉勸各位有意入行的姐妹，做人要實際，否則容易遇人不淑，墮進桃色陷阱。
近日討論區爆發激烈討論，指o靚模雖然工作不斷，成為宅男寵兒，但指她們背後有很多辛酸血淚史，有少女模特兒接job時慘遭博懵，甚至被詐騙，相當蝕底。身為性感女神的娜姐，對o靚模的辛酸亦表理解，她勸勉有意入行的姐妹們，不要太過無知和迷信，做人要實際：「千祈唔好做無知少女同少婦，睇多啲《警訊》就最好，同埋唔好太過迷信，否則好易遇人不淑，捲入桃色事件。」
陳靜聞得有人被侵犯
o靚模胡心諾（Rainbow）自爆剛出道時，險因年少無知而被騙，幸最後醒目逃過一劫：「有人話我知做法事可以轉運，仲叫我去試添，最後我梗係推咗，覺得自己好好彩。」
「百果園咪神」陳靜（DaDa）亦聽說有模特兒遭攝影師落迷姦水後被侵犯，她知道該女仔事後有報警，但未知下文：「行內有傳過係邊個攝影師，若然真係同佢合作，就會小心，總之希望女仔入行要小心。」「E Cup Baby」劉欣宜亦遇過「偷(目及)男」，她說初出道時，與其他公司女生在一間大房更衣，突有一名男子竄出來，嚇得她們「O嘴」，她說：「個男人話執嘢喎，我嗰時着晒tube top同熱褲打底，冇蝕底，但有人只着住bra同底褲。」
顏后君踢爆詐騙手法
另一o靚模顏后君（Ceci）踢爆模特兒公司詐騙手法，未影相時先付大筆款項；有model試鏡時被對方要求即場除衫，更將湯唯主演的《色，戒》角色擺上枱進行誘騙，相當離譜。而A.Lin希望女生能好好保護自己；新八模Jeana則說要找信得過的朋友或長輩商量，以防被騙。
娜姐、A.Lin與新八模等o靚模的經理人Roy說：「女仔入行謹記便宜莫貪，只有努力工作冇捷徑。我旗下模特兒之間有『通報機制』，乜嘢都攤出嚟講，互相警惕。」而陳靜、Ivy和Bambi等模特兒的經理人施念慈則說，找她們工作一定不用付出金錢及肉體，要跟公司講，還要日光日白辦公室傾，絕不可單獨行事。
文：專案組