貝安琪扮禮物送子維sweet
貝安琪昨晚出席活動，姍姍來遲的她解釋因工作忙，問她聖誕節如何慶祝？她說：「會留喺香港過聖誕，都係主要同屋企人過。（男友尹子維呢？）我都冇男友，佢只係我朋友。（你哋會唔會交換禮物？）唔會，因為我買禮物唔會亂買，睇啱對方用先會買。（送你自己畀佢囉？）你講到咁sweet……」她坦言還在尋覓另一半，問到有否追求者？她說：「Not really！我依家以工作為重先，不過搵到啱都開心。」
另邊廂的施念慈透露將限量版推出公司月曆，以易服為主題：「我理念係o靚模都可以做演員，十一個女仔各有造型，有廚師、侍應、老闆，顧客，當中以DaDa最為性感。月曆限量三千本，明日（即今日）發售，上年係派，今年就喺便利店賣，賺到嘅錢用嚟食飯，大家一齊開心吓。班女仔影得好開心，影成十四、五個鐘都唔嗌攰，唔捨得收工。」
