譚玉梅探病無門：點搵呀！

趙世光上星期四因做心臟手術而停食薄血藥，之後又急於出院及即時上班，而導致中風。昨日何琍琍與仔女如常到醫院探望，表示趙生不需要做開腦或其他任何手術，又謂病情已受到控制，情況樂觀。

求生意志強

何琍琍中午回家休息後再回醫院，十分合作地透露趙生的情況，她說：「佢中風要平衡血壓，如果太凍會腦水腫，腦水腫變大嘅話細胞就會死得好快，無法復原，所以要小心，依家有好好嘅醫療團隊，同兩個好專業嘅醫生幫助趙生。（情況點？）趙生依家屬於半昏迷，要食藥平靜情緒同血壓，佢期間都有醒過，但係無意識，不過醫生睇到佢求生意志好強，而且儀器顯示到佢好緊張。」

譚玉梅關心趙世光健康狀況，惜冇途徑聯絡。（資料圖片）

趙世光年前中風後康復，太太何琍琍一直照顧有加。（資料圖片）

何琍琍又表示趙生早前做心臟手術十分成功，她說：「佢做完手術唔夠廿四小時就要求出院，之後又返工做到好夜，所以就出事。（以後會否唔畀佢做嘢？）人嘅性格點可以改到，但一定要他好好調理身體。」

望吉人天相

另外，記者致電趙世光的紅顏知己譚玉梅，問到有否留意趙生入院的報道，是否擔心？她即不願多講。至於兩人是否一直有保持聯絡？她即無奈說：「我點聯絡到，呢個時間講乜都冇用，（係咪冇途徑搵佢？）點搵呀，唔講啦，（擔心趙生？）我心裏自己知就得，希望佢吉人天相。」 至於是否依然留在香港，她說：「我一直喺香港住，不過香港大陸兩邊走，投資房地產。」被問到早前政府推出打擊樓巿政策，對她可有影響，她說：「冇，我依然覺得香港係最好嘅投資環境，政策對有實力嘅賣家冇影響，我反而覺得係好事，個巿冇咁癲。」

文：名人組