阿倫接錦旗：好耐冇扯
溫拿五虎昨日以軍look為「溫拿38大躍進演唱會」造勢，身為樂壇校長的阿倫（譚詠麟）在進行升旗儀式時大放有味笑料：「好耐冇扯，嚟扯旗！」
溫拿於農曆新年初二（二月四日）起在紅館舉行一連六場演唱會，昨日溫拿五虎阿倫、阿B（鍾鎮濤）、陳友、健仔（彭健新）和阿強（葉智強）於海港城露天停車場舉行記招，五人大玩懷舊軍look造型乘坐軍車，配以銀樂隊伴奏出場，架勢十足，但烈日當空令穿厚褸和斗篷的阿B及阿倫熱到一額汗。
加場未傾掂
當主題贊助商邱子傑夫婦給溫拿送上錦旗祝賀時，阿倫即語帶雙關說：「咁使唔使扯起佢！」之後五虎主持升旗禮，阿倫繼續放笑彈：「好耐冇扯，嚟扯旗啦。」健仔亦說：「我哋隨時起，隨時落。」連一向正經的阿B亦謂：「起啦！」阿倫哈哈笑說：「嘩，當眾添喎！」
至於演唱會可再加場？阿倫笑言已致電許冠文看他會否讓場，但對方沒有接聽，他只得留言，但仍未有回覆。在二月四日前加場？阿倫說：「我哋之前係邊個開？（吳雨霏。）咁唔好啦，人哋都要搵食。」
健仔笑言已準備魚網袋利是，阿倫更言因今次是三面台，要魚翁撒網逗利是。
採訪：音樂組