錦榮睇騷陪Jolin過聖誕

台灣天后蔡依林(Jolin)男友Vivian Dawson(錦榮)來港出席活動,他否認二人分手的傳聞,言談間透露出他對Jolin的行程瞭如指掌,更稱聖誕節一定會睇演唱會支持對方。

Jolin的混血模特兒男友錦榮與蔡卓妍(阿Sa)昨日出席公開活動,身材高大魁梧的錦榮為阿Sa趷高掛飾物,大展風度,他表示曾多次來港擔任模特兒工作,問到是否跟Jolin一起後工作量大增?他以英文回答:「的確係增加工作量,不過咁樣有好有唔好,好就係工作增多,唔好係成日都要提起佢,又被人作故事。」

優質股值9.5分

對於有傳他跟Jolin分手,令伊人激瘦,錦榮否認此事,堅稱二人是好朋友關係,澄清Jolin只因為準備演唱會而減磅。問到聖誕節兩口子如何慶祝?錦榮坦言至少睇一場支持對方,他說:「佢要開演唱會,之前要綵排,之後又要準備做跨年晚會,相信太忙好難有機會慶祝,(你都好清楚佢行程?)大家係好朋友,當然知道啦!」

另外,錦榮前日出席臀部push up霜活動時,他表示Jolin的臀部值十分滿分,後來又改口說:「9.5分,因為沒有事物是真正完美的!」他表示已見過蔡媽媽,又食過Jolin親手製的朱古力蛋糕。

阿Sa拒情侶檔

至於阿Sa跟男友陳偉霆推出全新飲品廣告,問到是否以情侶檔賺錢?阿Sa說:「唔係,呢次廣告係本來舊合約簽好,所以唔會加價,(唔抵喎?)冇諗過用呢樣去賺錢,工作還工作,拍拖還拍拖,分開清楚啲!(斷佢米路?)咁大家仲有好多其他工作呀嘛!」她表示為了避免情侶檔上陣,已推掉不少邀約二人一齊出席的活動。

採訪:音樂組

聖誕假期去邊度玩?,即上on.cc東方互動《享樂聖誕2010》專輯,為您一站式搜羅各類聖誕消費情報!