陳法拉男友未睇鋼管舞
以性感見稱的陳法拉，昨日穿上Tube Dress出席商場聖誕活動，談到她在新劇《誘情轉駁》中的一場鋼管舞戲，因表現誘惑，令網友大叫「頂唔順」，法拉笑謂有精彩的開頭，可吸引多些人關注，記者笑問她男友是否也頂唔順，法拉笑言：「佢未睇喎，（你真人跳畀佢睇囉，）屋企冇鋼管呀，拍嗰場戲時都要鎖得好實，試過鎖唔實拍拍下扭鬆咗，要鎖實再拍過。」
此外，談到男友卡拉OK生意將有新的競爭對手，法拉說：「生意嘢唔關我事，（幫手宣傳？）成日都有啦，開分店可以幫手剪綵囉，（唔收錢？）要收錢，公事公辦，無綫係上市公司，（畀折扣？）公價唔畀得折o架。」