阿佘閂閘：唔好搞我
曾與陳豪傳緋聞的佘詩曼，對於廖碧兒（Bernice）背着陳豪「釣金龜」，身在內地的她坦言不知情，不過對於網友指陳豪冇咗Bernice可以和她一齊，阿佘即說：「唔好搞我啦！」
佘詩曼現時身在無錫拍劇，之前因拍劇而與陳豪傳「撻着」的她，昨日接受電話訪問時，坦言不知對方與廖碧兒的分手新聞。
對於陳豪「雙失」，既失獎又失戀，阿佘以「公主」身份力撐他謂：「我總之任何時候都會支持駙馬。（網友指陳豪冇咗Bernice可以同你一齊？）唉！唔好搞我啦！呢啲嘢我唔方便介入，（會否致電安慰他？）總之陳豪係一個好正面、樂觀嘅人，相信佢會處理得好好。」
錯失聖誕檔掘金
對於不少人都想二人成「一對」，阿佘笑言：「啲人戲內戲外撈亂晒，大家只係好同事，觀眾太過投入嘞！」聖誕及新年檔期她都身在大陸，失去不少搵真銀機會，阿佘謂：「呢個劇有錢收o架！唔叫損失，之後我都會趕返嚟做活動。」
另外，Bernice現任的「緋聞男友」林忠豪，昨日接受電話訪問時，提到陳豪感到酸溜溜，他坦言不認識對方，好難說對方的立場。
林忠豪維護碧兒
有指陳豪「雙失」，林忠豪反問記者甚麼叫「雙失」，之後又謂：「佢有失戀咩？我同Bernice係朋友，你哋搞錯嘞！佢唔只我一個男性朋友，（互相欣賞？）唔好咁敏感，做吓朋友，唔好講到拍拖，咁會影響人哋，人哋女仔嚟o架！你哋有冇查清楚o架！」
問他是否曾跟諸葛梓岐、盧恬兒（霍啟剛前女友）拍過拖，他表示私人事不作回應，再問他是否會跟Bernice繼續聯絡，他謂：「可能會、可能唔會。」
文：影視組