祖兒拒生B唔關斷背事

容祖兒、2R及蔡穎恩昨日出席海港城舉行的「ANTEPRIMA X MY MELODY & KUROMI」活動，眾人早前分別將自己與產品的合照上載到facebook專頁供網友投票，祖兒最後以大比數勝出，ANTEPRIMA服裝品牌以祖兒名義捐出港幣十萬元予護苗基會。

老貓燒鬚

穿上大會品牌泰山裝的祖兒拍照時不慎露出胸墊，坐低時又露打底褲，可謂老貓燒鬚，她笑說：「瘦咗好多，已經用胳肋底夾住。」

放大圖片	祖兒消瘦了，着起新裝要用力夾到實。

昨日祖兒仍戴上與密友何韻詩的情侶鏈及情侶戒指，當她在台上分享心得時，突然爆出一句：「我懷疑自己唔會生小朋友。」此言令其斷背情更添神秘，祖兒解釋說：「生同養唔係問題，教先係問題，身邊咁多朋友都有小朋友，照顧佢哋啲小朋友已經有滿足感，責任又唔大。（唔驚畀人覺得你係斷背？）唔關事，就算呢種戀愛都可以生。」

祖兒與品牌創作總監荻野泉相見歡。

蔡穎恩拿着品牌手袋，倍添活潑。

唔認富婆

至於傳宗接代的生仔重任，祖兒說大可交給細佬：「呢次真係要交畀佢，之前個唱慶功返屋企時我都叫佢快啲結婚。（佢有女朋友？）有，已經拍咗七年拖。」對於有指她坐擁過億物業？有圈中小富婆之稱的祖兒謙虛說：「報道唔好信。（講少咗？）打『思憶』就有。」

文：音樂組