王菲為港迷開騷包場say no
亞洲天后王菲強勢回歸香港，早前本報已率先披露王菲將於明年3月，假亞洲國際博覽館開騷，昨日大會公布3月4日至6日舉行三場《王菲巡唱2011》演唱會，信用卡優先訂票的最貴$980及最平$380門票，火速於2個小時被歌迷搶光。
據知，有內地財團竟出天價八位數字，欲包起兩場王菲香港騷，其經理人陳家瑛說：「的確有呢件事，不過我已經say no，阿菲本來冇計劃做香港站，因為太多歌迷要求才答應，如果我哋為賺錢畀人包場，就失去咗佢想返嚟會歌迷嘅意義。」
內部訂飛超晒額
陳家瑛表示多謝歌迷對王菲的支持，內部訂飛一早已超額爆滿，她頭痛說：「朋友訂飛開口就要300、1,000張，分分鐘等到公開發售時，要早兩晚搵人排通宵買飛。」她謂王菲仍未答應加場，最緊要她開心，不會強迫她唱幾十場應付飛債。而王菲最近已跟演唱會總監Ida開會，香港站可能唱一半廣東歌，滿足香港fans。
中了微博毒的王菲，昨日在網上透露被病魔打敗：「頭痛欲裂，嗓子冒煙，你們的生日，偶的難日啊（生病）回籠捂着去了。」
文：音樂組