軟硬玩嘢扭計角逐音帝
昨晚「軟硬」林海峰、葛民輝出席動畫首映禮，林海峰勁放笑彈，聲演過不少動畫的他，指自己會退出聲演行列，但因無說話跟記者講，所以又宣布復出，認真無聊兼抵死！
林海峰（Jan）、葛民輝聲演3D動畫《毛百萬》，二人昨晚出席電影首映禮，前Cookies成員Angela亦有到場。新聞稿指軟硬會有二百粉絲到場，但可惜遲遲未齊人，記者笑問Jan那二百粉絲在哪裏？他表示：「都唔知有無咁多。」跟着，他搞笑地捉住其中一個粉絲影相，指「得呢個」之後，雖然來了數十位粉絲，但個個都用紙牌遮樣，Jan就繼續玩，笑言：「你哋真正嘅身份係林峯嘅fans，唔准遮面，放低個牌啦。」
自嘲薪酬斷鐘計
受訪時，Jan為搞氣氛，笑言會退出聲演動畫行列，他說：「我真係會退出！但因為依家無乜嘢講，所以宣布復出！」
Jan表示觀眾要入場細心欣賞他們的演繹，認為配音員配每粒字均粒粒皆辛苦，覺得自己與葛民輝有資格角逐「音帝」，亦需要頒發「音后」給女配音員，Jan說：「其實配音工作有好多前輩好值得表揚，唔可以忽視聲音嘅力量，相比之下我哋只係門外漢。（你們薪酬不是門外漢？）斷鐘計o架咋。」
阿葛欣賞陳儀馨
問到軟硬最欣賞哪位配音的前輩？Jan說：「我欣賞譚炳文，佢配過好多外國劇集。」而阿葛則欣賞陳儀馨，尤其最深刻是配過「小露寶」。此外，Jan在不同地方接受訪問時，鬼馬地把印有動畫之背景板亦都搬來搬去，跟着又笑言：「嗰牌會自己郁嘅？好陰呀！」
文：影視組