G.E.M.歌有發揮冇人揀唱
G.E.M.昨為《TVB全球華人新秀歌唱大賽2010》任表演嘉賓，司儀則有森美與金剛，單立文、蔡一智是評判，共有十五位來自不同地方參賽者，「超級巨聲」亞軍胡鴻鈞代表香港出賽。G.E.M.看了參賽名單歌曲，笑言：「點解冇人揀我啲歌，（你啲歌難唱嘛！）我啲歌好有發揮o架，快啲揀啦，好似林欣彤都係唱我嘅歌攞到冠軍。」問她有冇參賽者要求合照？她表示：「冇喎，可能生得太矮，見我唔到，我依家都豁出去，冇着高踭鞋，唱歌唔使高嘅，又唔係做模特兒。」
司儀之一金剛被問到是否講雙語，他說：「我廣東話進步咗，講得好好，但都要出字幕，（最近工作好多，係咪搵好多錢？）搵少少啦，一樣食足五餐，總之餓唔死，又唔會食到嘔。」早前與台灣女友分手的他說：「下個月就三十歲，依家諗工作先。」
