大肚出嫁 棄穿和服 椋名凜被玩咀軟老公
奉子成婚的日本女模椋名凜（Rin）前日終於出嫁，在日本六本木區最高檔酒店舉行盛大婚禮，雖然Rin已懷有身孕，但現場500賓客照樣玩謝一對新人，並在要求下二人喪咀，最終錫到嘴軟收場！
Rin與日籍單車手丈夫高村直樹前日終於在家鄉日本結婚，二人先在教堂行禮，之後到六本木酒店舉行儀式，豪華的禮堂容納五百嘉賓，除了高村直樹的運動員好友出席外，Rin的好友名模渡邊知夏子亦有撐場，雖然Rin已懷有身孕，賓客們不停要求二人表演錫嘴，二人最終錫到嘴軟。
唔跟傳統冇問題
Rin是次亦放棄穿和服行禮，她表示由於和服需要綁着多條腰帶，為免影響腹中小生命，所以改穿下身較鬆的婚紗，她更說：「為工作着婚紗都着咗好多次，估唔到今次自己結婚着得最開心，從未感受過咁開心！」雖然未有以和服行禮，但她表示雙方家人都十分開通，覺得沒有跟隨傳統亦沒問題。
等埋BB先蜜月
整個婚宴以酒會形式進行，婚宴後再開派對，接近百萬港元的費用，全部由男方負責。是次Rin收到不少結婚禮物，她說：「好多朋友送BB仔嘢畀我。」至於會到哪裏度蜜月？她說：「等生咗先，到時同BB一齊去！」
文：名人組