王子小傑搵咪神撼LOLLIPOP F

香港各大商場為增加人流，每逢佳節都會揼本邀請當紅歌手跟市民一齊倒數慶祝。「台灣幫」楊丞琳、吳建豪、何潤東等將於聖誕及新年專程來港出席活動，實行要跨境掘金。

台灣組合棒棒堂去年六子「合體」來港倒數，卻惹來歌迷惡意襲擊。今年拆夥後的六子正式「分拆上市」，屬金牌大風的LOLLIPOP F跟單飛發展的王子（邱勝翊）、小傑（廖俊傑）將分別為荃灣廣場及上水廣場主持除夕夜倒數儀式，雙方首次打對台，正面交鋒搶歌迷，實行鬥個你死我活。

王子（左）與小傑會聯同其他藝人一齊力挽人氣。（資料圖片）

LOLLIPOP F每次出騷必定載歌載舞，是各大商場的「人流保證」。（資料圖片）

鄧麗欣參戰

雖然LOLLIPOP F以四對二的人數暫時佔優，並與鄧麗欣一齊出騷，但王子、小傑將會帶埋師弟鮪魚、毛弟助陣，聯同「巨鵰」何潤東及性感「百果園咪神」陳靜（DaDa）一齊力挽人氣。

另外，宅男女神周秀娜於除夕將會與電視藝人如米雪、謝天華、薛家燕等於奧海城倒數，而紅爆電視圈的「福祿壽」亦成為搶手貨，除夕夜於大埔超級城大放笑彈，天王郭富城亦會出席平安夜的廣東道大型聖誕倒數活動，以勁歌熱舞跟大家慶祝，城城除夕夜則移師apm一齊迎接2011年，非常熱鬧。

文：音樂組