趙世光再度中風急送ICU

趙世光分別在02年在打高爾夫球時，因天氣太熱中暑，及04年因肥胖中風入院，幸搶救及時，病情得以控制。經多年治理，趙生情況進展理想，但手腳活動仍不太自如，出入需坐輪椅或用拐杖。上星期六趙世光在家中突然再度中風，太太何琍琍即時叫救傷車，送入瑪麗醫院急救。昨日傳媒聞風到醫院採訪，趙家上下包括何琍琍三女兒趙式明、趙式平、趙式和一直在醫院ICU病房守候，而式和及丈夫李承康與奶奶李顏玉秀亦有探望。

兩世界級醫生主診

昨午記者致電何琍琍問趙生的情況，她說：「趙生已under control，多謝大家關心，因為當時情況好急，要call救傷車送去政府醫院，變得冇私隱，趙生始終係華光嘅主席，對我哋做生意嘅人嚟講，好唔方便，喺商業上會有影響。不過大家放心，趙生有兩位好好嘅醫生，係世界級腦科同心臟科醫生治理，情況已穩定。（趙生係咪中風？）係腦部中風，佢喺屋企突然唔郁得，完全冇先兆。」

對於有說趙世光曾一度昏迷，何琍琍否認說：「唔係，不過佢有好多喉插住，唔係好舒服，要休息。」記者安慰趙太不要太擔心時，她輕鬆說：「我唔擔心，佢情況好穩定，上次中風到依家一路情況都保持得好理想，佢會冇事。」對有報道指她在醫院門外鬧兒子及盛傳唔畀新抱入門一事，何琍琍感到十分氣憤，她說：「我會唔會喺呢個時間去嬲個仔，同埋話唔畀新抱入門，啲人亂咁寫，好唔尊重別人。」

「心臟不嬲都有事」

何琍琍大女趙式明昨晚約七時離開病房時，表示遲些會一家人外出食晚飯，至於會否再到醫院，則要視乎媽咪決定，被問到趙生情況，她說：「佢情況好穩定。（是否心臟有事？）佢心臟不嬲都有事。（郁唔郁到？）依家醫生睇住佢，但冇生命危險。」

另外，李承康與媽咪下午到院時，帶了一盒桔子探望，離開時李顏玉秀透露有與趙生傾偈，她說：「佢有啲心跳唔正常，我有同佢傾偈，佢已經舒服好多，過兩日出院。（點解仲喺ICU？）為安全起見留喺ICU，依家無事。」

約八時，趙生兒子趙式慶與太太齊到醫院探望，不到三分鐘，何琍琍由兩個女兒式和及式平陪同離開，何琍琍謂趙生情況樂觀，至於能否郁動？她說：「醫生唔畀佢郁，亦唔方便食嘢，依家插住胃喉。（是否心臟唔好？）佢依家心臟好好。（可否自行呼吸？）佢暫時需要儀器幫助。」何琍琍又透露趙生將在醫院多留幾天觀察情況。

何琍琍為顧全大局，堅拒與趙世光離婚。（資料圖片）	趙式平及式和輪流探望爹哋。	趙式和
式和夫婿李承康及媽咪趕往醫院探望趙世光。	趙世光兒子趙式慶晚上八時抵達醫院。

採訪：名人組