劉愷威恭喜舊愛釣金龜
廖碧兒「撻着」富二代，正是不少女生的求愛目標，就連她的前度男友劉愷威亦大讚了得，並透過本報向Bernice送上祝福。正身在四川拍內地劇的劉愷威，早年與Bernice在無綫劇《皆大歡喜》「撻着」，男方的父親劉丹亦對Bernice愛錫有加，曾以「新抱仔」稱之。
記者昨日致電劉愷威，愷威雖忙於為劇集開工，當得聞Bernice的新男友背景顯赫，亦讚嘆不已。他說：「嘩！好戥佢開心！做女仔梗係要搵番個好老公啦，尤其做娛樂圈呢行嘅女仔咁辛苦，雖然佢同新男友都稱對方為『朋友』，但佢哋都有可能發展成功架嘛！（打電話祝福佢？）唔會啦，我哋好耐冇聯絡，長途電話費貴呀，我依家返嚟香港嘅時間，平均一年得三個星期，返到香港都係陪屋企人為主。」
