林忠豪曾與諸葛傳緋聞
廖碧兒被指捨陳豪而戀上富豪第二代林忠豪，活躍於名人圈的林忠豪身邊一直不乏女伴，曾傳出和盧恬兒及諸葛梓岐拍拖，記者昨日聯絡上林忠豪，短短訪問中他對廖碧兒讚不絕口，至於兩人有否發展機會，他說：「唔清楚，好多因素，佢係好好嘅女仔！（邊方面好？）各樣都好，形象健康好啱傾，而且個人都幾好。」
至於廖碧兒曾和陳豪傳緋聞，林忠豪直言沒有留意，問到兩人在報道後有否聯絡，他說：「咁大件事你話有冇呀，其他嘢唔方便答啦。」
與林忠豪合作搞薄荷糖生意的房祖名被問到此事，他說：「吓！咁大鑊！我淨係公開場合見過廖碧兒一次，私底下冇見過佢哋一齊。」而諸葛梓岐則否認曾和林忠豪拍過拖，更表示大家不是太熟。