林莉設計月曆趕聖誕出

前港姐林莉為設計師Arthur Lam擔任婚紗展模特兒。問到她有否擔任過朋友的伴娘？她回應：「做過家姐伴娘一次，嗰日成日幫家姐擔住把遮，好好玩。」另外，她表示最近忙於製作月曆，笑言：「之前影咗一輯時裝味重啲嘅相，有好多個唔同嘅造型，帶出唔同感覺，自己好滿意。今次仲會自己試吓做埋layout design。（之前學過？）冇架，完全冇學過graphic design。」她表示自己之前只喜歡構思，今次真正動手去做，過程非常有趣，希望月曆能趕及於聖誕推出。