黃浩然昨日出席大埔新達廣場的聖誕活動，將榮升人父的他自言要密密出騷賺奶粉錢，問到會否因奪得飛躍進步男藝員獎而加價？他說：「唔會啦！反而想多啲贊助！（心情緊張？）係呀！要執屋準備個位畀BB！（太太有咗幾個月？）唔講喇！想留番啲秘密，仔定女都唔講住。」對於好友曹永廉及郭晉安也將做爸爸，浩然笑言三人要組隊齊齊搵銀兼拍節目。
