發哥天馬行空掌管天宮

星皓電影《大鬧天宮》昨日於北京舉行全球首個新聞發布會，演員大晒冷，周潤發、甄子丹、郭富城、陳喬恩、陳慧琳、梁詠琪、何潤東以及星皓新人夏梓桐，吸引五、六百名記者到場，場面墟冚，而在戲中飾演女媧的張栢芝，因正身在內蒙拍戲，未能到場。

昨眾星雲集，一向很照顧新人的發哥，跟甄子丹、郭富城、陳喬恩以及夏梓桐一起在台上受訪，發哥還讓中間座位給夏梓桐坐；另外，發哥見到陳慧琳着高跟鞋上台時，亦有幫手扶她，以及跟何潤東談天，令何潤東之後都在微博大讚發哥好好人。

願減片酬速上妝

發哥席上談笑風生，勁放笑彈，笑言自己雖然未入組，但知道兩位男演員單單在特技妝容方面，花了許多時間，他表示：「郭富城要化3個鐘，甄子丹就化4個鐘，兩人落妝就用咗45分鐘，再加上車程2個鐘，去到只係拍1個鐘，我同電影公司講，片酬可以減低啲，我唔想化咁耐。」記者好奇地問發哥何解未入組，便知那麼多？他笑言：「我係玉帝，天宮最大，係天宮入面嘅CEO，佢哋樣樣嘢都要同我講，其實最主要係因為我要接落去，所以會知啲角色係點。」發哥還笑言龍宮內有龍有天馬有寶貝，記者問甚麼是天馬？他笑言：「天馬行空嘛，每日都要靠想像去幻想龍宮有啲乜嘢，天宮唔知有冇車揸？」

甄子丹身兼多職

甄子丹在戲中除演美猴王一角外，還兼任武術指導，每日只得兩、三小時休息，他表示：「拍咗幾場戲、打咗幾場戲，要同導演鄭保瑞好好溝通，加多啲新意。」當司儀問子丹與夏梓桐會否擦出火花，子丹嚴肅地表示：「都未拍，我點話畀你聽，如果拍咗，我第一時打嚟話畀你聽。」

早前網上流傳一些被指是郭富城扮演的牛魔王造型，昨導演鄭保瑞指該牛魔王造型不是最終決定版，而城城則指以前的人會覺得牛魔王很醜樣，但今次的牛魔王在荷里活特技化妝之下，是一位「蠻帥」的人。