徐子珊美遇騎呢求婚男
徐子珊日前專程飛往美國擔任張敬軒在當地舉行的演唱會嘉賓，子珊表示此行寓工作於娛樂，她說：「難得飛到咁遠，梗係請多幾日假shopping啦。」子珊自爆與經理人分開行街時，遇上一名當地男子向她求婚，她說：「為爭取時間我同經理人分開行，之後約定喺一個位置等，點知我早到咗，呆等期間有個男人叫我，問我係咪單身，又問我有冇諗過結婚，仲話自己有樓有車。（你點應付？）嚇到呆咗，不斷答佢No No No。」
子珊透露當時最想經理人快點出現，她說：「不停四圍望睇吓見唔見經理人，不過個男人都好好，唔想為難我，只係交低咗佢個手機號碼畀我。」子珊以「騎呢」形容此艷遇。
