黎耀祥自封小籮唱好娥姐
黎耀祥（祥仔）與商天娥（娥姐）昨日出席慈善活動綵排，期間，二人大唱經典歌大展歌喉。說到與無綫簽約，祥仔坦言暫時不考慮，更笑言雖然被太太「全抽」佣金，但兩公婆，分外有默契。
祥仔、娥姐、呂慧儀、曾華倩、鄧梓峰等昨日出席今晚舉行的《歡樂滿東華2010》綵排及拜神，祥仔與娥姐今年會大展歌喉，唱經典歌曲，祥仔笑言二人是「細紀合唱團」，加埋是五十歲，他又大讚娥姐唱功了得，祥仔謂：「佢好犀利，唱緊甄妮原key，（你唱籮記個key！）我係小籮啦！唔用佢把聲，唔夠澎湃。」
拍戲興趣不大
記者指無綫應跟娥姐簽歌星約時，祥仔說笑謂：「我終於明白點解四大唱片公司傾唔埋，因為佢哋傾娥姐嘛！」二人又出橋給監製，表示下次可以唱粵曲音樂劇，祥仔說：「試吓啦！下次我哋唱粵曲，蓋鳴暉唱時代曲。」有指祥仔拍電影，他作否認，更指興趣不大，因為現時電影票房萎縮， 電視滿足感大啲。
自言冇話事權
此外，有指無綫以「天價」游說他簽約，祥仔表示暫時不考慮，更謂：「要同我經理人（太太）商量先，我哋啲藝人，永遠話唔到事，（呢個經理人抽佣最勁喎！）呢個全抽o架！TVB都有啲過我袋吖！除非有一日佢（太太）話我知辛苦、handle唔到，否則都唔會簽住。」
而擔任司儀的呂慧儀笑言若有總理邀她唱歌籌款，都會參與，問若有總理捐錢叫她性感又如何，她說：「我諗冇囉！我驚佢哋捐錢叫我着多件衫呀！」
文：影視組