日本歌手中孝介剛推出了一張以日語重新演繹華語歌曲的專輯，在接受本報訪問時，他表示希望能唱出個人風格，他說：「重複聽過幾次原作，錄完demo後，會將兩者比較，睇吓點演繹會好啲。」他表示碟中每首歌也鍾意，尤其是陳奕迅的《明年今日》，他指其實在好早以前，在香港睇電視已聽過，覺得歌曲好特別，自己很喜歡。
剛完成香港個唱的中孝介，稍後計劃到台灣開騷，期望日後有更加多機會在大中華地區發展：「今次咁難得可以唱到《青藏高原》呢首歌，有機會真係想去西藏，感受吓當地氣氛。」問到日後會否再唱華語歌，他表示：「有機會當然想，等我啲廣東話再好啲，都想出一張廣東歌嘅碟。」