江若琳外冷內熱吹得冧
歌手江若琳早前於北京拍攝新歌MV，在只得三度的室外天台企足六粒鐘，食風食飽的她，凍到手腳僵硬，連面部知覺也變得麻木了，雖然辛苦，但出來效果甚佳，令她大呼值得！
江若琳（Elanne）明年將推出國語碟，今年擔任亞運歌手的她，將把大會歌曲《everyone》收錄新碟之中，Elanne日前便於北京為該歌曲國、粵語版拍攝MV。北京天氣正值嚴寒，當日氣溫只得攝氏三度，加上風勢很大，但Elanne為切合主題，穿衣方面不能太臃腫，她表示：「真係凍得好厲害，就算停機後着番件褸，都仲要工作人員幫我安排長軍褸加羽絨，前後四件褸再飲埋薑茶、貼晒暖包都頂唔住，實在太凍！拍到後期對手開始僵硬，面部仲麻木埋，冇晒感覺，連流鼻水都唔知！」
憐香惜玉
拍攝當日，Elanne凌晨四時開工，站在天台的鏡頭便佔了六小時，不斷食風令她苦不堪言。導演與工作人員見Elanne如此辛苦都憐香惜玉，曾叫Elanne回室內休息一下，但Elanne為免拖長大家的工作時間，決定堅持到底，十分專業。當Elanne拍畢後看回錄影，覺得拍出來的效果成功帶出溫馨感覺，頓覺再辛苦也值得。
特色齋菜
Elanne今次北京之行，也獲唱片公司老闆宴請吃一頓很特別的北京齋菜，Elanne表示：「呢間齋舖好特別，係喺一個蒙古包裏面食，餐牌又厚又長，裏面啲食物好有特色，亦好健康冇乜油，飲品仲係研究過，點樣溝啲果汁出嚟，飲咗會令人精神啲、或者皮膚靚啲咁！」
文：影視組