文恩澄病愈再闖樂壇

歌手文恩澄（Rannes）日前舉行個人音樂會，請來好友郭穎橋擔任嘉賓，一班好友包括李綺雯（o靚妹）、可嵐與丈夫尤子威等亦有現身撐場，Rannes說：「其實同阿橋唔係識咗好耐，以前淨係喺歌迷口中知道佢嘅嘢，我哋兩個性格好似，見到佢就好似同緊自己講嘢一樣。」
Rannes「重新」闖入樂壇，她感激歌迷的不離不棄。
Rannes「重新」闖入樂壇，她感激歌迷的不離不棄。

自唱片公司暫停運作後，Rannes歌唱事業停滯不前，早前更禍不單行，聲帶出現問題需要接受手術，她說：「今次舉行呢個音樂會係想話畀大家知，我簽咗新公司，同埋我已經好番晒喇。」音樂會上Rannes又眼濕濕感激歌迷對她的不離不棄，她說：「呢段日子嘅曝光率近乎零，都有擔心過佢哋已經唔記得我，係佢哋畀力量我唔放棄！」

文恩澄舉行個人音樂會，獲大批好友撐場。
  • 文恩澄舉行個人音樂會，獲大批好友撐場。