鍾舒漫目標全能歌手
鍾舒漫（Sherman）由參加歌唱比賽奪金入行，出道四年間，去年憑歌曲《給自己的信》人氣急升，回望歌手生涯，Sherman坦言有懷疑自己的時候，幸有好友與信仰支撐。
Sherman四出與友人分享妹妹鍾舒祺隻身到台灣參加歌唱比賽的經歷，她大讚對方韌力夠：「佢條路真係好難行，為咗達成夢想日日都要參加好多比賽，仲要初初國語又唔好，嗰段時間成日都同佢傾，有時我都會懷疑自己，好彩有妹妹同我互相支持同鼓勵！」如今，妹妹終於成功推出首張國語碟，Sherman大為感動！
互相扶持
身為虔誠基督徒的Sherman指，身旁的朋友亦好像天使般，鼓勵她不斷努力：「自己身邊有好多為夢想奮鬥嘅朋友，佢哋係最好嘅借鏡，成為我好大嘅動力。」Sherman指其中剛開設個人時裝的好友Rachel亦是她的天使，對方因為熱愛時裝不停鑽研，又到不同地方搜羅各地有特色的時裝：「有時同佢傾啲衫點可以Mix and Match好開心，講講吓就唔記得晒唔開心嘅事啦！」
堅持夢想
Sherman感恩歌曲《給自己的信》的成功，但是身為跳舞歌手，她仍然最希望以快歌打動人心，因此有意下張唱片首支派台歌以快歌為主：「有妹妹同Rachel支持我，我一定會堅持自己嘅夢想，希望有一日可以做到唱得又跳得嘅全能歌手！」
採訪：音樂組
場地：DRESS UP HOLIC