劉倩婷從舞到武打入公仔箱
劉倩婷（Sandy）自選港姐後，近日終首次參演電視劇，為配合劇中形象，她剪短留了多年的長髮，本身擁有跳舞底子的她，稍後更會拜師學詠春，希望可以做新一代打女，擺脫港姐形象。
去屆港姐冠軍Sandy，參選後忙於履行港姐義務，至今年才有機會接拍新劇，在無綫處境喜劇《依家有喜》飾演實習醫生。為了演活角色的清爽形象，她更把一頭秀髮剪短：「因為留長髮畀人太『港姐』嘅感覺，希望以後人哋認識劉倩婷，而唔係港姐冠軍。」
懵盛盛食錯嘢
Sandy在新劇與幾位前輩級演員包括米雪、秦沛等合作，首次拍劇的她更笑料百出：「套劇有好多場講食飯嘅戲，有次啲嘢食已經放咗喺張枱度十幾個鐘，點知我唔知係扮食，最後真係食咗，好彩冇肚痛咋！」
Sandy自入行以來就不停被人說有「古裝相」，她亦坦言希望有機會接拍古裝劇。為了做新一代打女，她正密謀拜師學詠春：「我本身有跳開舞，手腳協調，學功夫應該唔難。好多人驚學完詠春會變得好大隻，但係我咁瘦，學詠春反而可以練番好個骨架。」在她眼中，廖碧兒的打女形象亦相當深入民心：「我哋拍劇嘅時候都會傾吓有關詠春嘅嘢，其實好多同劇演員知我係新人，佢哋都會成日關心我。」
文：專案組 攝：秦健輝
服裝：Fiorucci
髮型：Calvin Tsoi@hair
化妝：Karen@meggyli.com