曾華倩揀首飾 朱慧珊做軍師
曾華倩明日為「歡樂滿東華」擔任主持，故日前抽空到景福masterpiece，挑選當晚佩戴的首飾。而好姊妹朱慧珊即使抱病在身，都特意前來提供意見，務求令華倩於當晚靚絕全場。
華倩雀躍地一一試戴，當中的銀鑽手鐲更令她愛不釋手。她說：「以前啱啱出道，第一次喺外地登台之後，買咗一套紅寶石戒指同耳環畀自己做禮物。」她表示自己喜歡設計低調簡單的首飾，笑言：「我同阿珊（朱慧珊）由三歲識到依家，佢好知我性格。我同佢嘅品味好唔同，我打開衣櫃啲衫全部都係暗色嘅，而佢就鍾意誇張啲、colourful同閃嘅嘢。」華倩表示出鏡必須佩戴較花巧的鑽飾，故請來好姊妹作軍師。朱慧珊亦表示：「戴首飾都係一個學問，要睇場合同埋要配合你着嘅衫。」
另外，華倩與一眾好姊妹所組成的「至八會」，將於下星期一舉辦畫展，她笑言：「有人比較多產，而我嗰啲係限量版。每一次啲畫離開我太耐都會好掛住佢哋。」