椋名凜奉子成婚唔計家底

椋名凜（Rin）早前宣布結婚兼有孕，雙喜臨門，婚禮於後日（12日）在日本舉行。日前Rin接受訪問時，大談與未來老公高村直樹的甜蜜事。Rin表示與男友在日本經朋友介紹認識，她不諱言第一眼已對男友好感十足，她大讚：「我覺得佢好靚仔、好nice，我哋識咗兩三個月後，有一日佢主動叫我做佢女朋友。第一次約會地點喺東京，我哋一齊食法國晚餐，之後仲玩煙花，真係好浪漫。」

欣賞男友夠率直

Rin稱男友高村直樹是意大利的專業單車好手，與家人經營單車店，其父親在日本非常有名，是前日本單車隊員，曾出賽奧運，現時退役，負責訓練單車選手。Rin有「日版Paris Hilton」之名，是富家女一名，對於男友家底不及自己，Rin坦承初時也有點擔心：「我有諗過呢個問題，不過我覺得內在同性格最重要，因為我想同佢一生一世。」

Rin尤其欣賞男友的率直個性，無論要求她做女朋友或者求婚都非常直接，她說：「當日佢帶住戒指由日本嚟香港搵我，問我可唔可以嫁畀佢，我即時答應。」Rin又發表愛的宣言，大讚男友完美，與對方是命中注定，她甜到漏地說：「佢同我以前嘅男友唔同，我同佢一齊好舒服，佢每日都令我好開心。」

願為BB放棄工作

以往Rin經常以性感示人，她謂男友從不介意，因為知道這是她的工作，但Rin坦言為人母親後，她會收起性感，亦願意為BB而放棄模特兒工作，她說：「男友唔介意我婚後做模特兒，因為工作時間比較彈性，但我希望可以親自照顧小朋友，可能等小朋友到三、四歲，我先出嚟做嘢。」她又稱懷孕是計劃之內，當男友知道她有孕的消息時，竟開心得喊了出來。

文：名人組

服裝：Arthur Lam