胡敏珊全情貫注投錶寶島
近期春風滿面的胡敏珊（Christie），愛情工作兩得意，既有新戀情又在台灣開旗艦店，外籍男友更幫手參與設計，首日開店更已賣過百隻腕錶，令她歡喜若狂。
「鐘錶界美女」胡敏珊自家腕錶品牌Chouette早前正式登陸台北，於潮店林立的大安區開設首飾旗艦店，邀請台灣人氣歌手張芸京、馬來西亞名模黃千肯等捧場。Christie被問到緋聞外籍男友有冇捧場回應：「冇，我朋友唔得閒，不過佢好有心，越洋送花畀我，而且呢間舖頭，佢喺設計上畀咗好多意見，都有份參與。」Christie表示店舖一千平方呎，概念來自法國的餅店，希望客人來到有置身法國的感覺，配合品牌的名字。
首日賣過百隻
除了在台北開店外，Christie表示將會相繼在台中、台南及高雄開店，她亦會花多些時間在台灣，她說：「台灣係一個好特別嘅巿場，我哋首日開舖，已賣咗過百隻手錶，係一個好嘅開始。當中有個台灣名媛呂雅惠，佢係Chanel亞洲區數一數二嘅VIP，佢好欣賞隻手錶，一口氣買咗十幾款，所以真係好開心。」
文：名人組