黃翠如償心願奉旨流浪
黃翠如重返電視工作崗位，頭炮即計劃用公司錢去完成自己的流浪夢，直言不介意全程零化妝示人，但最大困難是沒有工作人員夠膽跟她去癲。
曾經是有線愛將的黃翠如，離開公司短短九個月，最近回巢，她坦言公司一直對她愛護有加，不停邀她再度合作，並說：「今次返嚟真係有回娘家感覺，大家都冇乜變，最大改變咪鄭文個肚大咗好多，區永權又就嚟做老竇囉！至於我今次返嚟台前幕後都會做，暫時第一個是做旅遊節目。」問到回歸公司有否加人工，她尷尬地笑說：「冇乜點傾人工，淨係畀我做到自己想做嘅事已經好好，不過都有加少少嘅。」
非一般旅遊
黃翠如口中的旅遊並非一般的吃喝玩樂節目，她說：「我好想加多啲年輕人嘅元素，好想去流浪，呢個係我一直嘅願望，上次離開有線都諗過去印度流浪，想去行喜馬拉雅山，依家公司肯畀我用公司嘅資金咁做，真係好難得嘅機會。」
會先去東歐
黃翠如坦言聖誕前會出發去東歐等地，現正密鑼緊鼓地籌備，黃翠如說：「我諗住全程唔化妝架！唔介意將最醜一面攞出嚟，冇乜所謂啦！都冇人流浪日日化妝啫，但依家最大問題係冇工作人員願意咁樣去捱苦。」
文：影視組