周秀娜眷戀羅仲謙攬住唔放
身材Fit爆的羅仲謙與婀娜出眾的周秀娜，在新片中有床上戲。周秀娜事後大讚羅仲謙樣靚身材好，拍完仍希望被對方攬着，充滿安全感。
羅仲謙分別與周秀娜和楊梓瑤在新片《婚前試愛》中有床上戲。周秀娜直言拍攝時冇得尷尬：「拍攝時天氣好熱，大家成身汗揩來揩去。其實拍完都想佢攬住我保護我cover晒我成個人，佢身材好好，好有安全感。」戲中講述她婚前背着男友偷食，而現實中她卻曾被男友深深傷害，令她日後找男友加倍小心，也不會做出傷害另一半的事。
問到入行後有否受到誘惑？她說：「可能大家都知我有固定男友，所以冇咩誘惑出現，同埋工作好忙冇時間偷食，哈哈。」
就鏡頭難享溫柔
別以為羅仲謙享盡溫柔，其實也不太好受，因拍攝過程女方均貼滿防走光膠紙，為顧及對方不走光，故做動作時要遷就她們的位置，他笑說：「戲入面佢哋無需要露點，但係我就露咗兩點，薪酬應該要比佢哋多。」
羅仲謙坦言拍攝前已與對方商量好如何拍攝和走位，避免引來誤會成為鹹豬手。近期羅仲謙工作排得密麻麻，表示已有準備置業，但樓價依然高企，需要認真考慮。
文：影視組