李亞男讚祖藍黐女例備案

日前「藍男戀」驚爆，高度差距加上來得突然，身邊人一臉愕然，但所謂情人眼裏出西施，故事男女主角王祖藍與李亞男戀情曝光後反而鬆一口氣，甜到漏密密傳情！獲戀情帶挈，Leanne亦工作量大增，喜上加喜：「TVB8嗰邊有聖誕特輯拍，近聖誕出面又多咗Job，好開心！」

大方公開

年半有多的戀情浮面，Leanne說：「唔係自己刻意公開，係唔小心被人跟到，Feel到冇得避，唔想喺埋一齊要講大話，話唔係拍拖。」她認為愛是兩個人的事，懶理別人對高度問題議論紛紛：「唔會諗人哋點睇，自己接受就得。」自言難追、揀男仔要求高的Leanne終於揀到筍盤祖藍，回想之前為維護愛苗要扮單身，她大嗌辛苦：「如果係好嘢，見到Friend都唔講得，仲要問佢哋有冇男仔介紹！」

放大圖片	Leanne指祖藍工作上有女拍檔的話會跟她報告。

每事分享

要感情長久就要悉心保護，Leanne說：「我唔會是是但但同男仔出街，佢工作有女拍檔都會同我報告，唔係100%乜都要知，有私人空間好重要，要大家尊重大家。」同為圈中人，又是基督徒，兩人來得特別夾：「我哋乜都會講，樣樣分享，工作上需要講好多嘢，返到嚟攰都有默契想靜一靜，好舒服咁講嘢。」

文：專案組

攝：秦健輝

服裝及場地：iiJin