許家傑剃頭舞動GaGa
港男冠軍許家傑（Jack）曾奪全港拉丁舞比賽冠軍，經常賣「舞」的他近日大搞新意，編舞時糅合Lady GaGa的歌曲及拉丁舞：「香港未有人試過，個表演有兩對係世界勁旅，香港水平同國際級有距離，不過勝在夠創意，要吸引人要搞呢啲特別嘢。（算是成功？）有個新加坡會長走埋嚟，讚排得好，好少見。」
Jack更首次在表演中光頭演出，原來他近日為清裝劇《紫禁驚雷》剃頭，扮演御前侍衞：「同馬浚偉對手戲最多。（女對手？）冇，成日一班男仔開工，會dry，但其實仲好玩，唔需要因為有女仔而就住講嘢同避忌，好似多咗好多同性密友咁。」