楊愛瑾多心聖誕要錢要人

鄭融、楊愛瑾（Miki）、董敏莉（Monie）和連詩雅（Shiga）雖然分屬同門師姐妹，但平時甚少聚頭，日前難得齊腳，便提早擦聖誕大餐。四女甫見面便吱吱喳喳說個不停，當乍見原隻火雞、牛柳、紅莓蘋果撻等美食時不禁「餓相」畢呈，還擸齊「架生」大快朵頤﹗

被指與永安太子爺郭永淳過從甚密的Miki表示，希望聖誕獲情人相伴之餘，又可跟工作及朋友度過，她稱：「除咗希望有情人外，亦想同大班朋友慶祝，可以交換禮物，禮物唔需要重手，最緊要心意搭夠。（今年點過？）未知，想有嘢做多啲，做完都可以慶祝。」

左起：鄭融、楊愛瑾、董敏莉和連詩雅狂擦聖誕大餐，對火雞更虎視眈眈！

鄭融和楊愛瑾難得聚首笑個不停。

鄭融搵真銀

「放假」半年的鄭融近日重投工作，她表示聖誕節將是「工作模式」搵真銀，談到最難忘聖誕節，她說：「小學一年級同家人去韓國旅行，嗰次係首次接觸雪，嗰時只覺好凍，凍到雙手腫晒。（有男友相伴？）細個冇男友過聖誕，好似爭啲嘢咁，但大個咗先發覺，男友同節日原來係冇掛鈎。」

以新人身份過聖誕的Shiga，與三位師姐相處融洽，她笑稱好少見到原隻火雞，談到聖誕願望：「希望張EP同樂壇頒獎禮都有好成績。」Monie則透露聖誕節有男友相陪，認真甜蜜！

「放假」半年的鄭融，於聖誕節搵真銀。

董敏莉和連詩雅恨收聖誕禮物。

採訪：German 攝影：沈健程

場地：皇家太平洋酒店@尖沙咀

服裝：DKNY

髮型：Roger@Hair Culture（鄭融）、Vince Pang@IL Colpo（Miki）、Will@P.O.P Hairdressing（Shiga）、Mini@Hair Corner（Monie）

化妝：Yan Chiu@make360.com.hk（鄭融）、Kris Wong（Shiga）