泳兒捱餓賀GaGa起蠟
歌手泳兒昨日為國際巨星Lady GaGa於香港的蠟像主持揭幕儀式，泳兒穿單膊的上衣露出小蠻腰，令人眼前一亮！當她傾前烏低身時更有「倒奶」的效果，相當搶鏡，她說：「頭先都唔敢食飯，怕會有肚腩仔，有時性感吓都ＯＫ，我做好晒安全措施，貼晒雙面膠紙，其實大會揀我去演繹GaGa套衫，真係有少少驚喜，我一向畀人印象都係唱慢歌，今次都算係好性感！」
九館齊揭幕
泳兒坦言欣賞GaGa的前衞思想，如果對方真的來港，定必會撲飛捧場，她說：「牛肉衫真係唯獨佢先會諗得到，有機會等我試吓魚肉或者雞扒，我都會以GaGa做我嘅精神目標。」
此外，適逢昨日是GaGa蠟像的全球揭幕日，蠟像已擺放在荷蘭、上海、倫敦等九個地區的蠟像館，各地粉絲可隨時與偶像「合照」。
文：音樂組