李蘊早前忙拍攝電台劇《一念之間》，劇中飾演發明星夢的少女，遭不法之徒以捧做模特兒為名騙財，蒙受金錢損失。現實生活中，李蘊也曾遇過疑似騙案，她說：「有日我冇化妝行旺角，有個男人問我想唔想做模特兒，只要畀幾千蚊就幫到我，我心諗『佢唔知我係李蘊？』但為免被指寸，敷衍咗佢就走人，點知佢大膽到喺商場門口等我，真係畀佢激死！」
李蘊覺得香港太多騙徒，故呼籲欲加入娛樂圈的少女要小心提防，最穩陣的入行方法，當然是參加歌唱比賽，她說：「如果真係唔好彩被人呃咗，千祈唔好怕醜怕麻煩，一定要報警將不法之徒繩之於法。」
