歐陽靖嘗烈酒火灼喉嚨
歐陽靖（MC Jin）早前獲軒尼詩邀請，前往法國參觀他們的酒莊，雖然行程緊迫，由出發至回程只有短短四日，但MC Jin依然十分回味，他說：「呢個牌子嘅酒每年都會請唔同嘅藝人去法國參觀酒莊，我哋用咗差唔多一日時間搭飛機，落機再轉四個鐘火車，唔夠兩日又要返港真係好攰！」
雖然舟車勞頓，但MC Jin坦言抵達酒莊即精神百倍：「今次唔係外人話想入去參觀就得，我哋係以VIP身份出席，真係大開眼界，唔單止見到好多酒桶，仲可以親身一嘗70%濃度嘅酒，啲酒一落喉嚨好似火燒咁，嗒落就好warm，真係好難忘！」另外，跟MC Jin應邀前往參觀的還有台灣歌手潘瑋柏及英國小天后Alexandra Burke，MC Jin當然抓緊機會跟兩人暢談音樂。