薛凱琪烏龍廚神食廁紙
歌手薛凱琪跟「甜品女王」谷祖琳學整甜品，被小谷不留情指由買料到試食烏龍百出，薛凱琪尷尬自嘲有創意兼懂得創新！
薛凱琪（Fiona）甘於挑戰自我，試做不同行業，早前為有線拍攝特輯《薛凱琪唔做薛凱琪》跳出框框玩轉各行各業，Fiona一度拜「甜品女王」谷祖琳（小谷）為師學整甜品，晨早起身由買生果學起，結果卻落得烏龍百出的結局，小谷直斥：「巨峰提子買錯、榴槤買貴、蜜瓜唔靚，唯一係雞蛋冇問題咋喎！」嚇到Fiona伸晒脷說：「可能係我有創意呢！」
洗廁所開眼界
其後小谷拿出預先做好的甜品讓Fiona在鏡頭前試食後自己落手，Fiona大口大口食不停，嚇到小谷說：「試吓咋！入面係假o架！廁紙嚟咋！」Fiona笑說：「唔怪得沙沙聲！」搞得大家開懷大笑。
Fiona直言做此節目令她大開眼界，耕田、裁縫、酒店清潔全都試過，最難忘是做髮型師，她說：「我第一次幫人洗頭，師傅洗十五分鐘我就洗足四十五分鐘，但好好玩，可以發揮創意，但都有壓力，話晒都係人唔係死物，我諗畀我剪嗰個都好驚！仲有做酒店清潔都好得意，落手落腳洗廁所，雖然以前去台灣發展都有試過自己做，但酒店嘅要求好高，真係行行都唔容易！」
文：影視組