張美妮演秋香改愛情觀

林家棟、張美妮、黃嘉樂、盧海鵬（鵬哥）等前晚為舞台劇《才子亂點俏佳人》綵排，家棟表示十二年前都曾演唐伯虎，身為前輩級的他被問到有否指點後輩時，他笑言：「唔好話指點，大家交流吓啫！鵬哥綵排時都有爆肚，咁仲好，可以畀啲新人適應吓！」他又表示月底會接拍黃精甫導演的新動作片。
林家棟與張美妮分飾唐伯虎與秋香。
林家棟與張美妮分飾唐伯虎與秋香。

至於美妮、嘉樂都是首次演舞台劇，今次要唱做唸打，實在是一大考驗，飾演秋香的美妮說：「第一次唱粵劇，咁啱把聲唔舒服，醫生話我聲帶生繭，仲話出show前會開啲類固醇畀我食。」她又笑言秋香角色令她愛情觀有所得着，更謂：「以往拍拖都係認死一個，對方所有缺點都唔理，依家會睇多啲，個森林係好大嘅！」

左起：黃嘉樂、張美妮、譚玉瑛、盧海鵬綵排舞台劇。
  • 左起：黃嘉樂、張美妮、譚玉瑛、盧海鵬綵排舞台劇。