陳偉霆阿Sa分開過聖誕
陳偉霆（William）與過氣情侶劉浩龍（師兄）、鄭融及張敬軒等昨晚齊齊現身活動，William表示將與女友蔡卓妍（阿Sa）分隔兩地過聖誕，他說：「佢喺北京，我成個聖誕都喺香港，唔會飛去探佢喇，之前可以一齊過生日已經好開心，不過，會提早送聖誕禮物啦。」對於阿Sa談到William赤裸上身新碟封套時面紅，William就說：「佢好易面紅啦！」
此外，師兄與鄭融前後腳到場並大方合照，鄭融說：「係正常朋友，有聯絡，（有冇機會復合？）依家了解多啲，覺得做朋友先，愛情嘅嘢控制唔到。」
鄭融性感師兄唔睇
現場又播出兩人新歌ＭＶ，當中鄭融性感上陣，又戥師兄再次投入歌唱事業而高興。對於舊愛祝福，師兄說：「多謝佢，佢係我曾經非常好嘅朋友，一世都係，男人應該係咁，（鄭融性感ＭＶ大飽眼福？）我點解仲要睇佢？」記者笑問他是否「睇過晒」，師兄即表現尷尬。