祖兒被喪chok洋模電到笑

祖兒為代言的電器連鎖店百老滙拍攝新一輯廣告，有份參與創作及製作的她坦言心情好緊張，廣告中祖兒會遇上兒時的暗戀對象，由她親自去選一個有feel的對手，結果祖兒從芸芸中、外男模中，挑選了一名西班牙籍金髮男模，她笑說：「佢嘅眼神迷人到好似電影《吸血新世紀》男主角羅拔柏迪臣。」

含笑半步釘

拍攝時祖兒見到對方的迷人眼神就忍不住大笑，回想起來她亦笑說：「佢係一個搞笑能手，我哋要深情對望，見佢chok出一雙電眼，我就忍唔住笑，有一幕仲NG咗幾十次，連攝影師、全體工作人員都未roll機已笑，導演用咗成十五分鐘先令大家平復情緒繼續拍攝，佢嘅眼神好似落咗『含笑半步釘』，下次選角要小心啲。」

祖兒與男模深情對望時，被其chok樣電到忍唔住笑。

祖兒親自挑選男模拍廣告。

化身Rock友

廣告中祖兒化身Rock Band主音，她最喜愛金髮皮褸look，覺得夠突出，拍攝廣告時正值祖兒籌備個唱期間，她說：「我哋用咗七十二個小時完成四節廣告，仲拍咗一個MV及一段製作特輯，當中仲換咗四個場景同三個造型，絕對係另一項創舉。」

文：音樂組