GiGi認拍拖預告北京浪漫

GiGi昨晚出席「貓眼看世界」國際動畫節開幕活動，對於與美國駐港領事館總領事發言人墮入愛河一事，GiGi甜到漏表示：「係……交往中，我哋想低調啲，唔想講太多，不過今日出嚟見記者，都預咗要講啲啲嘅！因為我哋都想專注工作，唔想對工作有影響。（拍拖幾耐？）依家發展中，好多謝大家關心，咁畀人跟好唔慣，但佢都明白嘅。」GiGi平安夜將在北京舉行演唱會，問男友Matthew是否飛去捧場？她勁冧說：「好多人飛去睇，係朋友都會嚟捧場畀啲支持我。（帶Matthew見家長？）未去到呢個階段，只係以好朋友身份見過我啲朋友，見家長就言之尚早。」

未有時間買禮物

本月尾便是兩人「交往」後的首個聖誕，問GiGi可有準備禮物給男友？她嬌嗲說：「都話唔係囉！仲未有時間買呢。」不過GiGi否認因男友會說普通話而令母親加分：「好多人都識普通話，都係工作需要。（媽咪對男友另眼相看？）未到呢個階段。」男友屬外交官身份，是否要低調戀情？GiGi笑言：「我都係外交身份，都成日見記者，只係想專注工作。」

GiGi早前被本報拍到與Matthew在街頭甜蜜拍拖，戀情曝光。（資料圖片）

Matthew（資料圖片）

誤爆楊采妮戀情

對於好友楊采妮大讚Matthew好仔，問GiGi可會為對方介紹好男人時，她一時心花怒放竟大爆：「佢有啦！」發現說漏嘴即補鑊說：「佢有好多異性朋友唔使我介紹啫，佢咁好女仔，吸引好多男仔架。」

文：音樂組